Њујорк Ренџерс ја оправдаа фаворитската улога, откако синоќа ги совладаа Филаделфија Флаерс со 4-1.
Заклучно со првата минута од втората третина, ,,Ренџерите” стекнаа предност од 3-0 со головите на Џејкоб Труба, на Драјден Хант и на Крис Крајдер.
Девет минути после третиот примен погодок, дефицитот на Флаерс го намали Морган Фрост со својот прв овосезонски гол.
Во финишот, Филаделфија бркаше негатива, но ризичната тактика не вроди со плод, откако Артеми Панарин, на празна мрежа, го постави конечниот резултат.
Со седмиот врзан пораз, Флаерс паднаа на единаесеттата позиција во Источната конференција, додека Ренџерс се петти поради серијата од осум победи на последните девет пресметки.
