Во највозбудливиот натпревар од триесет и третото коло на англиската Национална лига, Рексам го порази Алдершот со 3-4.
Во првата половина на првото полувреме, Пол Малин (п. 7′, 23′) му донесе двојно водство на тимот од Велс и дојде до својот дваесет и четврт погодок во сезоната.
До доаѓањето на паузата, во интервал од девет минути, домаќините постигнаа два гола во противничката мрежа преку Оливер Пенделбури (30′) и преку Џејк Хатчинсон (39′) и еден во својата мрежа, кој беше дело на Кори Џордан.
Во последните мигови од регуларниот дел, Џордан Таниклиф (89′) заби автогол и му донесе израмнување на домаќинот, но трите поени во Велс ги однесе Сем Далби (90+6′) длабоко во судиското надополнување.
За Далби, ова беше втор гол на последните три натпревари на кои севкупно одигра само деветнаесет минути.
На табелата, Рексам е втор, но со два меча помалку во однос на лидерот Нотс Каунти, додека Алдершот го зазема четиринаесеттото место.
