Торонто Рапторс влегоа во плејоф-зоната со третата врзана победа, односно со синоќешниот триумф над Бруклин Нетс со 117-123.
Во првото полувреме, Торонто имаше константна предност, која беше и двоцифрена во неколку наврати. Сепак, Нетс возвратија во третата и во четвртата четвртина, пред Торонто да ја поврати резултатската позитива во самиот финиш.
Триото на Бруклин, составено од Кевин Дурент, од Кајри Ирвинг и од Џејмс Харден, беше релативно индиспонирано. Харден имаше дабл-дабл од 17 поени и од 12 асистенции, а неговите двајца придружници постигнаа заедно 23 поени.
Сепак, причина за лошото издание на Дурент беше напуштањето на теренот поради повреда во третата четвртина, односно отсуството од стартната петорка за првпат после 867 натпревари.
Од редовите на Торонто, Паскал Сијакам беше најефикасен со 33 поени и со 11 скокови, а Кајл Лаури додаде уште 30 кошеви.
И покрај поразот, Бруклин (14-10) остана на третото место на Истокот, додека Торонто (10-12) скокна до шестата позиција.
📸 sportsnet.ca
