Во финалето на тековната НБА сезона, силите ги одмеруваат Феникс Санс и Милвоки Бакс.
Синоќа беше одигран првиот дуел од оваа фаза, кој заврши со 118-105 во корист на Феникс.
Во првото полувреме, двете екипи пружија изедначена борба, но во второто, Феникс ги покажа своите квалитети.
Ѕвездата на Милвоки, Јанис Антетокумбо, се врати на паркетот по два меча пауза и на прес-конференцијата изјави:
,,Мислев дека ќе бидам во аут цела година, знаете. Среќен сум што се вратив после два натпревари.”
Токму Јанис беше единствен од Бакс со дабл-дабл учинок од 20 поени и од 17 скокови, а поефикасен од него беше само Крис Мидлтон (29 поени).
Кај Феникс, најрасположени беа Крис Пол и Девин Букер со 32, односно со 27 кошеви, додека Деандре Ејтон имаше две двоцифрени статистики (22 кошеви и 19 скокови).
Феникс ќе биде домаќин и на вториот меч, кој ќе се одигра вечерта помеѓу 8 и 9 јули со почеток од 03.00 часот после полноќ.
