Сиетл Кракен го добија првиот меч во историјата против Бафало Сабрес, откако со резултат од 5-2 дојдоа до третата овосезонска домашна победа.
Морган Гики ги промени бројките на семафорот за првпат, кога стрелаше за 1-0 во корист на Сиетл – резултат што остана актуелен сè до првата пауза.
Веќе во вториот дел, Кејџ Томпсон и Кајл Окпосо двапати го совладаа Филип Грубауер за целосен пресврт на Сабрес од 1-2.
По двата примени погодоци, на сцена стапи Џордан Еберле, кој воедно го запиша и првиот хет-трик во историјата на Сиетл Кракен, носејќи им предност на домаќините од 4-2.
На 78 секунди пред крајот, Џејден Швартц погоди на празна мрежа за заверување на конечниот триумф на момците од Вашингтон.
Во Источната конференција, Бафало го зазема деветтото место, додека Сиетл е четиринаесетти на Западот.
