Удинезе го пречека Наполи на домашната ,,Дачија Арена” во рамките на 17. коло од италијанската Серија А.
Гостите од Неапол успеаја да триумфираат со 1-2, после неочекуваното добро издание на ,,црно-белите”.
Наполи поведе во петнаесеттата минута со голот од пенал на Лоренцо Инсиње, но само дванаесет минути подоцна, Кевин Лазања израмни на 1-1. Италијанецот го заби својот втор овосезонски погодок, произлезен од грешката на гостинскиот дефанзивец – Амир Рахмани.
На Наполитанците им требаше еден час игра за да дојдат до победата. Имено, победоносниот погодок го постигна Тиемуе Бакајоко во деведесеттата минута по асистенцијата на Марио Руи. За Французинот што е на позајмица од редовите на Челзи, ова беше дебитантски погодок во небесносиниот дрес.
Нашиот интернационалец, Елиф Елмас, влезе во игра на местото на Фабијан Руиз и изигра дваесетина минути, додека, за Удинезе, Илија Несторовски ги одигра последните девет минути.
За Удинезе, ова е трет пораз во последните четири средби, доволен за четиринаесеттото место на табелата, додека Наполи цели кон врвот имајќи ја петтата позиција.
📸 SSC Napoli
