Откако почна крикет сезоната во Англија, екипата на Дербишир имаше само четири нерешени и пет загубени средби во тест и во Т20 форматите.
Сепак, вчера, популарните ,,Соколи” успеаја да триумфираат за првпат после 15 септември 2020, откако ги совладаа Лестершир Фоксес во второто коло од Виталити Бласт (Т20 формат).
Токму Фоксес беа последната жртва на Дербишир минатата сезона, а вчера на домашен терен го повторија истиот учинок, откако беа поразени со 186/10 (19) – 209/6 (20).
Во првиот ининг, своите удирачи на теренот ги извади Дербишир, а од нив, најефикасни беа Луис Рис и Мет Кричли, кои освоија 51, односно 80 поени.
Од фрлачите на Лестершир, најдобра економија (6,50) и најдобри перформанси (3-26) имаше Навин-ул-Хак.
Во вториот ининг, фрлачите на гостите ги освоија максималните десет викети, а нивен предводник беше Логан ван Беек (3-37).
Од удирачите на Фоксес, единствен со солидни броеви беше Риши Пател, кој зеде 35 поени.
Во Северната дивизија, после две одиграни кола, Фалконс, со два поени, го заземаат третото место, додека Лестершир, со два порази, е на самото дно заедно со Нортемптоншир Стилбекс.
