Најквалитетната рагби лига на јужната хемисфера, Супер рагби, од 2022 доби нов член – Моана Пасифика.
Станува збор за клуб основан во 2020 за кој настапуваат рагбисти со пацифичко потекло од: Нов Зеланд, Австралија, Фиџи, Самоа, Тонга и Кукови Острови.
По воведните два порази, Моана Пасифика денес испиша историја и дојде до својата историска прва победа.
Домашните навивачи на ,,Мт Смарт Стадиум” во Оукленд (Нов Зеланд), уживаа во триумфот од 24-19 после продолжение над шампионите од 2016 – Хурикејнс.
Хурикејнс важеа за огромни фаворити и поведуваа трипати во текот на мечот, но на три минути пред крајот, со третото израмнување, домаќините изборија дополнителен период.
После четири минути од продолжението, победа на Моана Пасифика им донесе Дени Тоала (84′).
Освен него, есеј за победничкиот состав постигнаа Хенри Стоуерс (23′), Леви Аумуа (65′) и Соломоне Фунаки (77′), а Кристијан Леалиифано заби две конверзии.
На спротивната страна, Џорди Берет (6′) имаше еден есеј и една конверзија, Рубен Лав погоди едно конвертирање, а топката во противничката енд-зона ја внесоа уште Џош Мурби (56′) и Алекс Фидоу (68′).
На табелата, Моана Пасифика го зазема десеттото место, додека Хурикејнс се осми со еден натпревар повеќе.
