За првпат после 2019, односно за првпат откако Џоу Бароу стана квотербек на Синсинати Бенгалс, клубот од Охајо успеа да слави над Кливленд Браунс.
Во рамките на четиринаесеттото коло од тековната НФЛ сезона, Бенгалс ги совладаа дивизиските ривали со 23-10.
Домаќините водеа во текот на поголемиот дел од натпреварот, почнувајќи од втората четвртина, која ја добија со 13-3.
За победничкиот состав, горенаведениот Бароу освои 239 јарди од 18/33 обиди, а тачдауни постигнаа Самаџе Перин, Трентон Ирвин и Џа’Мар Чејс (119 јарди).
Од противничката екипа, Дешон Вотсон уфрли 276 јарди од 27/42 обиди, а топката во противничката енд-зона ја внесе Давид Нџоку.
Во Американската конференција, Синсинати (9-4) го држи второто, а Кливленд (5-8) – дванаесеттото место.
