Портланд Трејл Блејзерс ја прекинаа серијата од шест врзани порази и синоќа триумфираа за првпат после паузата за ,,Ол-Стар”.
Имено, Трејл Блејзерс, во домашниот ,,Мода Центар”, дојдоа до првиот триумф во март, совладувајќи ги Вашингтон Визардс со 127-118.
Домаќините стекнаа двоцифрено водство уште во првата четвртина и го држеа истото сè до последниот звук на сирената.
Од победничките редови, дабл-дабл направи Дру Јубенкс (20 поени и 12 скокови), а попрецизни од него беа Трендон Вотфорд и Џош Харт со 27, односно со 44 поени.
На спротивната страна, најефикасни поединци на паркетот беа Кајл Кузма со 22 и Кентејвиус Колдвел-Поуп со 26 кошеви.
После меѓусебниот натпревар и Вашингтон (29-37) и Портланд (26-40) го држат единаесеттото место во своите конференции.
