По воведните две победи, Бруклин Нетс влегоа во релативно негативна серија со само еден триумф на последните пет средби.
Токму синоќа го доживеаја вториот пораз во низа, откако загубија од Вашингтон Визардс со 122-123.
Во исклучително неизвесен меч со многу пресврти, завршниот ,,збор” можеа да го имаат Кајри Ирвинг и Кевин Дурент, но и двајцата промашија шут за победа во последните секунди.
Сепак, истите играчи беа најефикасни на натпреварот со дабл-дабл учинок. Ирвинг имаше 30 поени и 10 асистенции, додека Дурент забележа 28 поени и 11 скокови.
Кај Визардс, Бредли Бил (27 поени и 10 скокови) и Расел Вестбрук (24 поени и 10 асистенции) беа најзаслужни за втората врзана победа на својот тим.
