На последните 24 меѓусебни пресметки, Детроит Тигерс имаат 23 порази од Оукленд Атлетикс, при што, единствениот триумф датира од 7 септември 2019.
Синоќа, ,,Тигрите” беа поразени повторно и тоа на домашен терен со резултат од 3-9.
Најпрво, домаќините поведоа со 1-0, но веќе после третиот ининг имаа заостаток од 1-3, кој само се зголемуваше до самиот крај.
За поразениот состав, сите три поени паднаа после хоум-ран, односно преку Роби Гросман, Дастин Гарно и Дерек Хил.
На спротивната страна, со иста мера возвратија Мет Чапман (х2) и Марк Кања, а по четири бази освоија уште Старлинг Марте (х2), Мет Олсон (х2), Чад Пиндер и Елвис Андрус.
Во Американската лига, Оукленд (73-59) го зазема шестото место, додека Детроит (62-71) се наоѓа на единаесеттата позиција.
