Женската екипа на ШК Алкалоид е убедлив победник на Екипниот шампионат на Македонија за жени за 2021 година. Турнирот се одигра по Бергеров систем од 7 кола, а настапија 8 екипи. ЖШК Алкалоид освои максимални 14 меч бодови, дури 5 повеќе од второпласираната екипа на МШК Центар, додека третото место го освои екипата на ШК Неготино со 8 бодови. За ШК Алкалоид настапија странските засилувања, ИМ Аталик Екатерина од Турција, ИМ Булмага Ирина од Романија, како и домашните шахистки ЖФМ Стојковска Моника, ЖИМ Коскоска Габриела, Ефтовска Леа и Ангелковска Јана.
