Триесет и деветтото коло од англискиот Чемпионшип го опфати второто овосезонско дерби на западен Ленкашир.
На него, Престон Норт Енд дојде со четириесет и осмата меѓусебна победа против Блекпул, совладувајќи го со 3-1.
Домаќините стекнаа убедливо водство од 3-0 со три маестрални погодоци, кои беа дело на Бред Потс (12′), на Бен Вајтмен (26′) и на Томас Кенон (51′).
Во самиот финиш, ,,Мандарините” успеаја да го ублажат поразот, благодарение на дванаесеттиот овосезонски погодок на Џери Јејтс (89′).
На табелата, Блекпул остана на претпоследната позиција, додека Престон го зазема десеттото место.
