На првиот меѓусебен дуел во 2022, Детроит Пистонс ги совладаа Филаделфија 76ерс со 102-94.
Филаделфија водеше константно сè до четвртата четвртина, но го загуби натпреварот со серијата на Пистонс од 14-2 во самиот финиш.
Најефикасен во поразениот состав беше Џоел Ембиид со дабл-дабл од 37 поени и од 15 скокови, после кој следуваше Џејмс Харден со 18 кошеви.
На спротивната страна, најрасположени во нападот беа Кејд Канингем и Садик Беј со 27, односно со 20 поени.
Во Источната конференција, Филаделфија (46-30) падна на четвртото место, додека Детроит (21-56) остана на претпоследната позиција.
