Новата НФЛ сезона започна со дуелот помеѓу шампионите Канзас Сити Чифс и најдобриот тим во АФК Југ во последните години – Хјустон Тексанс.
На ,,Ероухед Стадиум” во Канзас Сити, беше ограничен бројот на гледачи, но сепак инаугуралниот меч помина со присуство на публика.
Актуелните шампиони беа подобри со 34-20 и на најдобар начин ја започнаа својата сезона, односно одбраната на тронот.
Тачдауни за Тексанс постигнаа Џонсон, Ејкинс и Вотсон, а Феирберн погоди два екстра-поени.
Од друга страна, поените за Чифс ги постигнаа Келси, Воткинс, Едвардс и Хил преку тачдаун, односно Баткер преку четири екстра-поени и преку два филд-голови.
