По третпат во само три дена, Њујорк Ајландерс ги совладаа Бафало Сабрес со ист резултат, односно со 5-2.
На синоќешната средба, Ајландерс постигнаа три голови во вториот период, на кои им следуваа два голови на Бафало во третата третина.
Откако Сабрес намалија на 3-2, хокеарите од Њујорк уште двапати ја затресоа мрежата на Јонас Јохансон.
Имено, за Ајландерс стрелаа Андерс Ли, Брок Нелсон (х2), Кејси Сизикас и Кал Клатербак.
Од друга страна, од редовите на Бафало, во листата на стрелците се запишаа Џеф Скинер и Колин Милер.
Со седмиот пораз во низа, Сабрес остануваат на дното на Источната дивизија, додека Ајландерс го зазедоа првото место.
📸 Bruce Bennett/Getty Images
