Шеснаесеттото коло од грчката Супер лига беше затворено со шеесет и четвртото лигашко дерби на Солун.
Имено, ПАОК ги оправда очекувањата и го искористи домашниот терен за да го порази градскиот ривал, Арис, со минимални 1-0.
Стрелец на единствениот погодок на натпреварот беше Сверир Инги Ингасон (45+1′) во судиското продолжение од првото полувреме.
Претходно, после дваесет минути игра, ,,Црно-белите” имаа уште една можност да им донесат радост на своите навивачи, но Штефан Шваб промаши пенал.
На табелата, ПАОК изби на третото место зад Панатинаикос и зад АЕК, додека Арис остана на шестата позиција.
