На овогодинешното издание на Светското гран-при во снукер, најпопуларниот играч на денешницата, Рони О’Саливен, ја освои 38. рангирана титула во својата кариера.
За Англичанецот, ова беше прва круна после 16 август 2020, кога го освои Светскиот снукер шампионат во Шефилд.
Во синоќешното финале, О’Саливен го порази Нил Робертсон со 10-8 и му се ,,одмазди” за поразот од финалниот меч на Тур Чемпионшип од март годинава.
Иако на пауза помеѓу сесиите се замина со реми од 4-4, Робертсон водеше во поголемиот дел од мечот, но ниеднаш со повеќе од два разлика.
Во петнаесеттиот фрејм, О’Саливен го стекна првото водство со вкупни 8-7 и успеа да го задржи до самиот крај.
На патот до финалето, новиот шампион ги порази Енди Хикс (4-1), Хосеин Вафеи (4-1), Џими Робертсон (5-2) и Стјуарт Бингам (6-2).
Од друга страна, Робертсон ги елиминира Нопон Саенгхам (4-0), Ентони Хамилтон (4-1), Јан Бингтао (5-4) и Марк Селби (6-3).
