Пред само три дена, хокеарите на Автомобилист Екатеринбург ја остварија највисоката победа во својата историја, славејќи со 8-0 над Кунлун Ред Старс.
Сепак, денес, избраниците на Бил Петерс беа ,,спуштени на земја”, откако го запишаа првиот меч во сезоната на кој не постигнаа ниеден погодок.
Имено, Автомобилист, по серијата од три домашни натпревари, гостуваше во Москва кај ЦСКА и загуби со минимални 1-0.
Стрелец на единствениот погодок на средбата беше најдобриот поентер на ЦСКА, Сергеј Плотников, во средината на првата третина.
Исто така, важен беше и домашниот голман, Адам Ридеборн, кој дојде до третиот шут-аут во сезоната со 23/23 одбранети шутеви.
Во Западната конференција, ЦСКА успеа да скокне до четвртото место, додека Автомобилист остана на петтата позиција на Истокот.
