Во локалното дерби на Истокот, Њу Џерси Девилс ги поразија Филаделфија Флаерс со 3-0.
За победниците, ова беше прв триумф на последните пет средби, додека Флаерс го запишаа десеттиот последователен пораз.
Од домашните редови, во втората третина стрелаа Јеспер Брат и Досон Мерсер, а конечниот резултат го постави Мајкл МекЛиод на празна мрежа на триесет секунди пред крајот.
Голманот на Девилс, Мекензи Блеквуд, ги одбрани сите дваесет и пет противнички удари и го запиша вториот шут-аут во сезоната.
На табелата на Источната конференција, Њу Џерси ја зазема единаесеттата, а Филаделфија – дванаесеттата позиција.
