Хјустон Рокетс ја имаа најдолгата активна серија во НБА со седум врзани победи и покрај очајниот старт на сезоната од 1-16.
Синоќа, за првпат после две години, ,,жртви” на Хјустон беа лидерите на Истокот, Бруклин Нетс, кои загубија со 114-104.
Неизвесна на мечот беше само првата четвртина, додека во останатите три квартали, победничкиот состав го држеше водството под своја контрола.
Најефикасен поединец кај Бруклин со дабл-дабл од 25 поени и од 11 скокови беше Џејмс Харден, кој исто така имаше и осум загубени топки против својот поранешен тим.
На спротивната страна, поентерски најрасположени беа Ерик Гордон (21), Герисон Метјус (19) и Џош Кристофер (18), а дабл-дабл уфрли Кристијан Вуд (12 кошеви и 15 скокови).
И покрај поразот, Бруклин (17-8) остана на првото место во Источната конференција, додека Хјустон (8-16) е тринаесетти на Западот.
