Во 2011/12, Њу Џерси Девилс загубија во финалето на НХЛ од ЛА Кингс и оттогаш наваму немаа ниту една добиена плејоф серија.
Сепак, синоќа, Девилс станаа последните четвртфиналисти, откако во ,,мајсторката” ги совладаа Њујорк Ренџерс со 4-0.
Домаќините, на мечот, постигнаа по два гола во втората и во третата третина, а во листата на стрелците се запишаа Мајкл МекЛиод, Томаш Татар, Ерик Хаула и Јеспер Брат.
За голманот Акира Шмид, ова беше втор шут-аут во тековниот плејоф со 31/31 одбранет противнички удар.
Во втората фаза, Њу Џерси ќе ги одмери силите со Каролина Хурикејнс, кои ги елиминираа Њујорк Ајлендерс со вкупни 4-2.
