„Шал“ е насловот на новата песна на „Нокаут“ и Игор Џамбазов. Текстот е на Игор Џамбазов, а музиката и аранжманот на Роберт Билбиловски и фронтменот на „Нокаут“, Никола Перевски-Пере. За видеоспотот бил задолжен Јован Куциноски и неговата „Motion Emotion Production“.
Стиховите на новата песна на „Нокаут“ се вистинска приказна: „Шал“ е спомен, љубов и жал за една личност во животот на Игор Џамбазов, неговата тогаш прва вистинска голема љубов, која за жал повеќе ја нема Тања Кочишка. Песна е напишана пред цели 34 години во бифето на Драмски театар – Скопје во далечната 1987 година.
