НК Каубојс им пркосат на сите очекувања и во четиринаесеттото коло од тековната НРЛ сезона успеаја да се искачат на второто место на табелата.
Имено, на домашен терен, ,,Каубоите” го поразија составот на Ст. Џорџ Илавара Драгонс со 31-12 и го оставија на единаесеттата позиција.
Во двете полувремиња, гостите постигнаа по шест поени, додека победниците имаа дваесет поени во првиот и единаесет поени во вториот дел.
За составот од Квинсленд, Валентин Холмс погоди 4/5 конверзии и еден пенал, а по еден есеј имаа Скот Дринквотер (5′), Пета Хику (10′), Рис Робсон (29′), Мареј Таулаги (43′) и Конели Лемуелу (79′).
Кај Драгонс, топката во противничката енд-зона ја внесоа Мосес Сули (36′) и Џејдн Су’А (74′), додека Зек Ломакс имаше две успешни конвертирања.
