Нешвил Предаторс ја оставија екипата на Сан Хозе Шаркс без плејоф, откако синоќа ја совладаа со 1-0 после продолжение.
За ,,Ајкулите”, ова беше седми пораз во низа, односно осми на последните девет средби.
На мечот, гостите од Калифорнија успешно се одбранија во регуларниот дел, но во четвртата минута од продолжението, за триумф на Предаторс погоди Рајан Џохансен.
На голот на победничкиот состав стоеше Јуусе Сарос, кој дојде до четвртиот овосезонски шут-аут со 25/25 одбрани.
Неговиот колега на спротивната страна, Каапо Кахконен, исто така имаше одлична партија со 40/41 одбранети шутеви (97,56%).
Во Западната конференција, Сан Хозе го зазема тринаесеттото место, додека Нешвил е шести и веќе со ,,една нога” во доигрувањето.
