Првото коло од 28. издание на хокеарскиот Карјала Куп беше комплетирано со победата на Финска од 0-3 над составот на Русија.
За Русите, кои се актуелни шампиони, ова е прв пораз во купот после 10 ноември 2019, кога загубија со ист резултат од Чешка Република.
На вчерашниот дуел, Финска постигна три пауер-плеј погодоци, два во втората и еден во третата третина, преку Хари Песонен, Миро Аалтонен и Валтери Филпула.
За домаќините, кои номинално се водеа како гости, олеснителна околност беше недисциплината на Русите, кои имаа вкупно 37 казнети минути.
Играчки инфериорна, Русија упати само 17 шутеви кон противничкиот гол и сите беа одбранети од Јуси Олкинуора за неговиот трет шут-аут во репрезентативниот дрес.
Во првото коло, освен Финска, победа забележа и Шведска, која ја совлада Чешка со 4-1.
