Хум официјално се смета како најмал град во светот (технички не е точно). Тоа е град во средишниот дел на Истра, во северозападна Хрватска, 7 километри од Роч. Надморската височина изнесува 349 метри. Според последниот попис од 2011 година имал само 30 жители, но официјално се води како град.
На неговата западна страна, градот е опкружен со ѕидини, а на другите страни, куќите се изградени во одбранбените бедеми. Прв пат бил споменат во документи од 1102 година, кога бил наречен „Колм“ (Cholm), од каде потекнува италијанското име „Колмо“. Ѕвоното и кулата за набљудување била изградена во 1552 година, како дел од градската одбрана.
