Убедливо најмалата скокалница (ГС 97) во Светскиот куп во ски скокови во машка конкуренција се наоѓа во гратчето Рашнов во Романија.
На неа, скокачите се натпреваруваа денес, а до втората овосезонска победа и вкупно 18. во кариерата, дојде шампионот од 2018/19, Рјоју Кобајаши, кој беше седми после првата серија.
Јапонецот, за еден и пол поен, го доби Полјакот Камил Штох, кој се искачи на подиумот по 79. пат.
Третото место му припадна на Германецот Карл Гајгер, а во првите десет се пласираа уште: Давид Кубацки, Пјотр Жила, Даниел Андре Танде, Пиус Пашке, Мануел Фетнер, Даниел Чофених и Грегор Дешванден.
Двајцата водечки во генералниот пласман, Халвор Егнер Гранеруд и Маркус Ајзенбихлер, беа дисквалификувани во втората серија и завршија без пласман. Притоа, доколку сè беше регуларно, Гранеруд ќе беше денешен победник.
📸 Janek Skarzynski
