Монтреал Канадиенс сè уште остануваат во игра за титулата на НХЛ, откако ја намалија вкупната предност на Тампа Беј Лајтнинг на 3-1.
Имено, во четвртиот финален меч, Канадиенс ги совладаа актуелните шампиони со 3-2 после продолжение.
После две третини, резултат гласеше 1-1, откако Џош Андерсон стрелаше за Монтреал во првиот, а Беркли Гудроу за Тампа Беј во вториот дел.
Во третиот период, Канадиенс по вторпат поведоа преку дебитантскиот плејоф погодок на Александер Романов, додека за Лајтнинг израмни Патрик Марун.
Во продолжението, на домаќините им беа потребни четири минути за да го совладаат Андреј Василевски, а стрелец на победничкиот гол беше гореспоменатиот Андерсон.
Петтиот натпревар од финалната НХЛ фаза е закажан за вечерта помеѓу 7 и 8 јули со почеток од 02.00 часот после полноќ.
