Калифорнискит двобој во МЛБ помеѓу Сан Франциско Џајантс и Оукленд Атлетикс заврши во полза на гостите. Имено, Атлетикс дојдоа до победата од 15-3 , пред сè, благодарение на петтиот ининг во којшто забележаа дури девет поени и сите свои три хоум-рани.
Сан Франциско постигна по еден поен во вториот, третиот и седмиот ининг, додека Оукленд поентираше во сите ининзи освен во првиот, четвртиот, седмиот и деветтиот.
За Џајантс, двата хоум-рани ги постигнаа Брендон Крофорд и Брендон Белт, а за Атлетикс, истото достигнување го имаа Маркус Семиен, Стивен Пискоти и Чад Пиндер.
Со оваа победа, Оукленд дојде до најдобриот учинок во лигата од 16-6 заземајќи ја првата позиција во Западната дивизија на Американската лига, додека Сан Франциско падна на 8-15 односно на последната петта позиција во Западната дивизија на Националната лига.
