По шести пат на последните седум меѓусебни пресметки, Минесота Вајлд триумфираа над Детроит Ред Вингс.
Имено, во рамките на синоќешната НХЛ програма, Минесота славеше со 4-1 на домашен терен против истиот ривал.
Двоен стрелец за победничкиот состав беше Фредерик Годро, а по еднаш реализираа Метју Дамба и Матс Зукарело.
На спротивната страна, прецизен беше Елмер Содерблом, кој во финишот на втората третина намали на тогашни 2-1.
Во Западната конференција, Минесота го држи шестото место, додека Детроит падна на десеттата позиција на Истокот.
