Репризата на минатогодишното финале помеѓу Мелбурн Демонс и Вестерн Булдогс беше увертира на новата АФЛ сезона.
Имено, Демонс, исто како и во претходниот меѓусебен дуел, успеаја да ги поразат Булдогс со конечни (14.13) 97-71 (11.5).
Мелбурн фуриозно го започна мечот со серија од 29-2, но веќе во втората четвртина, Булдогс имаа предност поради неверојатната низа од 49-0.
Заклучно со третиот квартал, Мелбурн повторно го презеде водството со серија од 39-2 и рутински му приреди крај на натпреварот.
Од поразениот состав, одличен меч одигра Арон Нотон, кој беше најефикасен играч на теренот со вкупно 25 поени (4.1).
На спротивната страна, најрасположени во офанзивата беа Бен Браун (3.3) и Бејли Фритч (2.2), кои воедно беа и единствени со повеќе од еден гол од редовите на Мелбурн.
