По подолго време, Пари Сен Жермен повторно се искачи на лидерската позиција во француското првенство, откако славеше со 4:2 во дербито против Олимпик Лион. Килијан Мбапе повторно беше предводникот на ,,Светците”, постигнувајќи два гола.
Со двата гола што ги даде, Мбапе стигна до јубилејната бројка од 100 погодоци во француското првенство. Со 22 години, три месеци и еден ден, Мбапе влезе во историјата на француското првенство како најмлад фудбалер кој стигнал до бројката од 100 гола.
На Мбапе му беа потребни само 142 меча за да даде 100 гола во првенството, од кои 84 му се во дресот на ПСЖ, а 16 има како играч на Монако. Јубилејниот 100-ти гол на Мбапе беше спектакуларен, откако успеа за само пет секунди да претрча половина терен и да ја затресе мрежата на домаќините. Во прилог и видео:
