Во премиерниот меч од олимпискиот турнир во хокеј, Русија ја совлада Швајцарија со минимални 1-0.
Овој меч важеше за дерби на групата Б, во потполност го оправда епитетот и покрај недостатокот на головите, а исто така приреди и една масовна физичка пресметка.
Единствениот погодок на мечот беше запишан на контото на Антон Слепишев, иако пакот во својата мрежа неспретно го внесе Енцо Корви на три секунди пред крајот на првата третина.
Голманот на Русија, Иван Федотов, дебитираше на ЗОИ со шут-аут, одбранувајќи ги сите триесет и три противнички шутеви.
Во групата Б, освен Русија и Швајцарија, се натпреваруваат уште Данска и Чешка, кои ќе се соочат во подоцниот денешен термин.
