Актуелниот вицепрвак на Лигата на шампиони, Тапара Тампере, одлично ја започна новата сезона во најелитното европско клупско натпреварување.
Имено, на средина од групната фаза, финските претставници имаат максимален учинок од три победи.
Во третото коло, Тапара го порази Слован Братислава со резултат од 2-0.
Двата погодоци паднаа во средината на првата третина во интервал од дваесет и четири секунди, а стрелци беа Тајлер Келер и Јере Хенриксон.
Голманот на домашниот состав, Кристијан Хелјанко, дојде до првиот овосезонски шут-аут во ЛШ со 14/14 одбранети шутеви.
Во групата Ц, клубот од Тампере го држи првото место, додека Слован е последен без ниеден освоен поен.
