Бостон Селтикс го запишаа вториот пораз на домашен терен во месец март, откако синоќа загубија од Мајами Хит со 98-106 во дербито на денот.
Во текот на цел натпревар, владееше резултатската неизвесност, но гостите од Флорида дојдоа до конечен триумф со серијата од 12-5 во самата завршница.
Од победничките редови, дабл-дабл запишаа Тајлер Херо (12 поени и 10 скокови) и Бам Адебајо (17 поени и 12 скокови), а најефикасен беше Џими Батлер со 24 поентирања.
Кај Селтикс, Џејсон Тејтум уфрли 23 кошеви, а најрасположен во офанзивата со 28 поени и со 10 скокови беше Џејлен Браун.
Со вториот триумф во низа, Мајами (49-28) изби на првото место на Истокот, додека Бостон (47-30) падна на четвртата позиција.
