Бруклин Нетс дојдоа на чекор до пласманот во полуфиналето, откако синоќа славеа над Милвоки Бакс со 114-108 и поведоа со вкупни 3-2 во меѓусебната серија.
Во текот на првите три четвртини, Бакс имаа константна двоцифрена предност, но во последниот квартал, иницијативата ја презедоа домаќините од Њујорк.
Најзаслужен за тоа беше Кевин Дурент, кој имаше неверојатна партија со трипл-дабл учинок, составен од 49 поени, од 17 скокови и од 10 асистенции.
На спротивната страна, поентерски беа расположени само Јанис Антетокумбо (34 поени и 12 скокови) и Крис Мидлтон (25 кошеви).