Екипата на Лулеа го обезбеди првото место во групата А од хокеарската Лига на шампиони со пет победи на првите пет средби.
Во петтото коло, претставниците на Шведска славеа во Данска против Аалборг со резултат од 1-3.
Заклучно со петтата минута од втората третина, гостите веќе водеа со 0-3 со головите на Константин Комарек, на Јулиус Хонка и на Филип Пирохта.
Само дваесет и четири секунди после третиот погодок, Магнус Бесен реализираше за првпат во сениорската кариера и воедно го постави конечниот резултат.
Во пресрет на шестото коло, Лулеа го држи првото, а Аалборг – последното место, додека, помеѓу нив се наоѓаат Јукурит и Спарта Прага.
Нивниот меѓусебен натпревар заврши со службени 3-0 во корист на Јукурит, откако тимот на Спарта не успеа да стигне во Финска поради проблеми со авионот и неможноста да се одложи мечот.
