На првото натпреварување во Осло, односно второто од турнејата ,,Роу Ер”, до победа стигна Мариус Линдвик.
Линдвик беше втор на пладневните квалификации, а до четвртиот триумф во сезоната стигна со скоковите од 128,5 и од 131 метри.
Водечкиот после првата серија, Маркус Ајзенбихлер, се искачи на второто место и спречи хет-трик на домашната нација.
На третата позиција заврши Роберт Јохансон, кој освои пиедестал за првпат во 2022, оставајќи го зад себе сонародникот Даниел Андре Танде.
Во првите петмина се најде уште Цене Превц, а по него следуваа лидерите во генералниот пласман – Рјоју Кобајаши и Карл Гајгер.
Победникот на скокањето во Лилехамер пред два дена, Штефан Крафт, заврши како осми, а најдобриот резултат во кариерата го оствари деветтопласираниот Фредрик Вилумштад.
