Минатата сезона беше прва за Кремонезе во Серија Б по враќањето во второлигашкото друштво, а со денешната победа, клубот од Кремона цели кон директна промоција во Серија А.
Имено, во дербито на 28. коло, Кремонезе ја порази Бреша со 2-1 и изби на првото место на табелата, но со натпревар повеќе во однос на второпласираниот Лече.
Од друга страна, во случај на победа, Бреша ќе беше лидер, но засега мора да се задоволи со четвртата позиција.
На меѓусебниот дуел, Бреша поведе преку Андреа Чистана (23′), а до крајот на првото полувреме, Кремонезе израмни со голот на Џанлука Гаетано (31′).
Во вториот дел опадна нивото на играта, а домаќините стигнаа до важен триумф со единствениот шут во рамките на голот на Јесе Јоронен, реализиран од Самуел Ди Кармине (87′) во самиот финиш.
