Лејтон Ориент дојде на само четири поени од титулата во Лиг 2, која би му донела и автоматска промоција во Лиг 1.
Во четириесет и второто коло, претставниците на Лондон, во малото градско дерби, го добија Сатон со 0-2.
Номиналните гости ја оправдаа фаворитската улога уште во првото полувреме, кога прецизни беа Киран Садлиер (14′) и Томас Џејмс (26′).
Со новите три бода, избраниците на Ричи Веленс го задржаа првото место со десет бодови предност во однос на второпласираниот Нортемптон.
Од друга страна, Сатон Јунајтед остана на десеттата позиција, но ги загуби шансите за пласман во плејофот.
