По третпат на последните четири средби, актуелните шампиони, ЛА Лејкерс, беа поразени, но овој пат од вицешампионите Мајами Хит со 94-96.
Во репризата на минатосезонското финале, освен во неколку моменти, Хит водеа во текот на цел меч, пред сè поради одличната прва четвртина што ја добија со 23-36.
Од редовите на Лејкерс, Кајл Кузма и ЛеБрон Џејмс беа најефикасни со 23, односно со 19 поени, а дабл-дабл додаде Монтрезл Херел (18 поени и 10 скокови).
Во составот на Мајами, Кендрик Нан (27) и Џими Батлер (24) беа најпрецизни кошаркари, а по две двоцифрени статистики имаа Бам Адебајо (16 поени и 10 скокови) и Данкан Робинсон (11 поени и 10 скокови).
На табелата на Истокот, Мајами (13-17) е десетти, додека Лејкерс (22-9) ја делат втората позиција на Западот со градските ривали – ЛА Клиперс.
📸 Andrew D. Bernstein/NBAE via Getty Images
