Во првиот натпревар од денешната КХЛ програма, Кунлун Ред Старс беа декласирани од Металург Магнитогорск со 1-6.
После првата третина, кинеските претставници водеа со 1-0, благодарение на голот на Тајлер Вонг и имаа биланс на шутеви во своја корист од 17-8.
Сепак, во наредните две третини, ,,Лисиците” ја презедоа контролата во свои раце и шест пати ја затресоа противничката мрежа.
Во листата на стрелците од гостинските редови се запишаа шест различни хокеари: Јегор Коробкин, Џош Кари, Данила Јуров, Никита Короштелев, Алексеј Маклјуков и Владислав Јерјоменко.
Во Источната конференција, Металург го држи второто место, додека Кунлун е десетти на Западот.
