Со синоќешната победа од 2-5 на гостински терен, Колорадо Аваланш поведоа со вкупни 2-1 против Ст. Луис Блус во меѓусебната четвртфинална серија.
На самиот старт, Колтон Парајко им донесе водство на домаќините, но Логан О’Конор, Назем Кадри и Артури Лехконен стрелаа за 1-3 во корист на гостите.
До крајот на втората третина, Рајан О’Рајли намали на 2-3, а конечниот резултат го поставија Габриел Ландеског и гореспоменатиот Лехконен.
Четвртиот меч помеѓу двете екипи е закажан за вечерта помеѓу 23 и 24 мај со почеток од 03.30 часот по македонско време.
