Колорадо Аваланш дојдоа на чекор до пласман во финалето на НХЛ, откако поведоа со вкупни 3-0 против Едмонтон Оилерс.
Имено, во третиот меч од меѓусебната полуфинална серија, Колорадо славеше на гостувањето во Канада со 2-4.
После само триесет и осум секунди, Конор МекДејвид им донесе водство на домаќините, но заклучно со втората третина, Валери Ничушкин погоди двапати за пресврт на Аваланш.
Во третиот период, Рајан МекЛиод реализираше за 2-2 во корист на Оилерс, а конечниот резултат го поставија Џеј Ти Комфер и Мико Рантанен.