Кливленд Кавалирс ја завршија регуларната НБА сезона со триумф од 133-115 над актуелните шампиони – Милвоки Бакс.
Со оваа победа, претставниците на Охајо (44-38) останаа на седмото место на Истокот и обезбедија пласман во плеј-ин фазата.
Од друга страна, Милвоки (51-31), непосредно по натпреварот, се наоѓаше на второто место, веднаш зад лидерите Мајами Хит (53-28).
Кавалирс го започнаа мечот со серија од 14-0, а на полувремето водеа со +33 што претставува нивно најголемо водство после две четвртини уште од 25 ноември 2016 против Далас Маверикс (+34).
За победничкиот состав, Кевин Лав (32 поени и 10 скокови) и Иван Мобли (18 поени и 10 скокови) имаа дабл-дабл учинок, а Лаури Марканен додаде уште 23 кошеви.
Кај Милвоки, две двоцифрени статистики имаа Сандро Мамукелашвили (28 кошеви и 13 скокови) и Џордан Нвора (24 поени и 10 скокови), а втор стрелец со 27 поентирања беше Танасис Антетокумбо.
