Најуспешниот српски кошаркарски клуб, КК Партизан, официјално ја продолжи соработката со НИС (Нафтена Индустрија на Србија).
,,Црно-белите”, уште од 2013, делат партнерство со нафтената индустрија на нашиот северен сосед, која го поддржува тимскиот и спортскиот дух на клубот од Белград.
Официјалниот договор беше склучен денес во кошаркарската куќа ,,Партизан” помеѓу генералниот директор на НИС, Кирил Тјурденјев и претседателот на Партизан – Остоја Мијаиловиќ.
,,Во спортот, како и во животот, победите се многу важни. Една од најважните победи е да ги зачуваме своите пријателства и покрај сите предизвици. Нашето партнерство со КК Партизан трае повеќе од една деценија, а ние внимателно го чуваме и го унапредуваме од година во година. Заедно поминавме убави и тешки моменти и среќни сме што оваа сезона повторно можеме да се радуваме на успесите и на спортските победи. Господине Мијаиловиќ, Ви посакуваме да ја завршите оваа сезона онака како што ја започнавте – шампионски. Во нас и понатаму ќе имате доверлив партнер и верен навивач.” – истакна генералниот директор на НИС – Кирил Тјурденјев.
Наредниот меч на Партизан е закажан за 4 декември со почеток од 19.00 часот, кога во рамките на десеттото коло од АБА Лигата, српските претставници ќе гостуваат кај Игокеа во Лакташи.
