Составот на Карпат одлично ја започна новата сезона од финската хокеарска Лиига со три врзани победи.
Последната од нив беше остварена денес, на гостувањето во Вааса, каде што беше поразен Спорт со 1-4.
На мечот, гостите поведоа во првиот дел со вториот овосезонски гол на Јоонас Кемпаинен, а на стартот на третата третина, Виле Коивунен ја удвои предноста.
Само две минути подоцна, дефицитот на домаќините го преполови Алекс Холмстром, а до крајот, во мрежата на Расмус Реијола реализираа уште Каспер Бјорквист и Јулиус Јунтила.
На табелата, Карпат скокна на второто место, а Спорт падна на тринаесеттата позиција.
