По десетти пат на последните единаесет средби, Вашингтон Капиталс успеаја да запишат победа.
Последни ,,жртви” на претставниците на главниот град на САД беа Њујорк Ренџерс, кои синоќа загубија со 5-4.
Имено, после 45 минути игра, Капиталс стекнаа навидум убедлива предност од 4-0, со головите на Том Вилсон (х2), на Алекс Овечкин и на Евгениј Кузњецов.
Само четири минути по голот за 4-0, предноста на домаќините веќе беше преполовена, откако Колин Блеквел двапати ја затресе мрежата на Илја Самсонов.
Сепак, 125 секунди подоцна, Вашингтон повторно погоди преку Ти Џеј Оши и зголеми на капитални 5-2.
До крајот, ,,Ренџерите” успеаја само да постигнат уште два почесни погодоци, благодарение на Алексис Лафрениер и на Крис Крајдер.
И покрај вториот врзан пораз, Ренџерс останаа на шестото место, додека Капиталс се први во Источната дивизија.
📸 Rob Carr/Getty Images
